قرية يُمنع فيها الموت أو الولادة أين توجد؟
لونغييربين القرية اللي بتقولك ممنوع تموت هون!
في عالم مليان قوانين غريبة من نوع ممنوع مضغ العلكة في سنغافورة أو ممنوع تلبس درع في البرلمان البريطاني في مكان واحد قرر ياخد الأمور لالمستوى الأسطوري. قرية نرويجية اسمها لونغييربين قررت بكل بساطة... تمنع الموت!
نعم عزيزي القارئ إذا ناوي تزور لونغييربين تذكر تجيب معك جاكيت دافي كاميرا و حالة صحية ممتازة لأنه لو حسيت إنك عم تمرض فالمطار أقربلك من المستشفى!
أين تقع هذه الأعجوبة
لونغييربين مش بس بعيدة هي بأبعد نقطة شمالا ممكن تعيش فيها و تلاقي سوبرماركت واي فاي وآيس كريم. تقع في أرخبيل سفالبارد أقرب للقطب الشمالي من أوسلو. برد تلج و ظلام 6 شهور بالسنة. يعني لو عطست ممكن الثلج يرد عليك.
البلدة عدد سكانها حوالي 2000 شخص و عندها قوانين بيئية صحية و حتى... وجودية لا تشبه أي مكان بالعالم.
بس ليه ممنوع الموت
السبب العلمي بسيط بس غريب. التربة هناك متجمدة طول السنة. اسمها permafrost.
في القرن الماضي اكتشفوا ميتين من سنة 1918 كانت لا تزال تحتوي على فيروسات حية من وباء الإنفلونزا الإسبانية! الموضوع مش بس مخيف هو بيولوجيا خطير.
فقالوا النرويجيين بكل لطف
بتحبوا تعيشوا معنا أهلا و سهلا. بس لو ناوي تموت روح موت بمكان تاني الله يرضى عليك! يعني بكل واقعيه و كل صراحة الجماعة معهم حق.
بس سؤال كيف بيطبقوا هالشي
ما في شرطي ماسك لائحة و يقولك جاي تموت اسمك مش عاللائحة. بس ببساطة إذا كان وضعك الصحي خطير الأطباء بيطلبوا نقلك جوا للمستشفيات في النرويج الرئيسية.
و إذا شخص توفي فجأة ما بيندفن هناك. بيتم نقل الجثمان خارج القرية. المقبرة الوحيدة هناك مغلقة من سنة 1950. بلدة كاملة بدون دفن. يعني حتى الموت... ممنوع الدخول.
لحظة... كمان ممنوع تولد!
آه طبعا! الولادة كمان مو مستحبة في لونغييربين. المشفى الوحيد صغير
يعني مدينة بدون بداية و لا نهاية
نوعا ما! ما في ولادات ما في دفن. هي أشبه ب في فيلم الحياة. الناس بيعيشوا بيشتغلوا و بيحبوا بس لما يوصل الموضوع لنقطة البداية أو النهاية... يتم التحويل خارجيا.
المدينة صارت مثل المسرح العرض شغال بس الكواليس ممنوعة.
و المفارقة الحياة فيها نشيطة جدا!
لونغييربين مش ميتة أبدا. فيها جامعة متاحف بارات مهرجانات موسمية و حتى سباقات للجليد. الناس هناك ودودين اجتماعيين لان بتوقع جربو الرحلات لكل مدن العالم. و يمكن تكون من المدن الوحيدة بالعالم اللي فيها أكثر دببة قطبية من البشر.
و القانون الغريب خلاها وجهة سياحية. الناس بيسافروا بس ليحكوا أنا زرت القرية اللي بترفض تموت فيها!
مواقف من أرض الواقع
في واحد قال على إنستغرام أجيت هون مكتئب قالولي ما بصير تموت هون رجعت تحسنت!.
و آخر كتب لونغييربين المكان الوحيد اللي بيفرض عليك تعيش غصبا عنك!
رسالة من أحد سكان القرية
أنا اسمي أندرياس بشتغل في مرصد الأضواء الشمالية. صارلي هون 8 سنين. لما قالولي أول مرة ممنوع تموت ضحكت. بس مع الوقت فهمت إنه مو قانون مجنون بل قرار ذكي بيحمي الطبيعة و البشر. وصار عنا احترام للحياة حرفيا. لما تفكر إنك ما فيك تموت هون بصير كل صباح أغلى.
لونغييربين مفارقة الحياة
يمكن تكون أغرب قرية بالعالم. بس وسط كل هذا الغرابة بتخليك تراجع أفكارك
شو معنى الحياة
ليه بنعتبر الموت مجرد حدث
و هل المكان ممكن يقررلك متى تبدأ و تنتهي
وهل هالشي بيلغي وجودك ببلدك او بيلغي الاثر اللي عملتو قبل الموت مثلا
طيب و الخلاصة
لونغييربين بتعلمنا درس بسيط بس عميق
الحياة مش بس بالأماكن اللي بنولد فيها أو بندفن فيها الحياة أحيانا بتبدأ فعلا
